أخبار عاجلة

أهمية الفلفل الرومي للدورة الدموية

بقلم د ربيع سليمان

كثير منا يعاني في بعض الاحيان عند استيقاظه من نومه يشعور بالخمول (مش قادر اصحي مش قادر اشتغل مش عايز اقوم من علي السرير) دا بيكون بسبب خمول في الدورة الدمويه اثناء النوم طيب نعمل اي في المشكله دي وانا مواطن بسيط كل ما املكه هو قوط يومي فقط ولست حمل مصاريف شراء الادويه و العقاقير الطبية المكلفه التي هي بمئات الجنيهات؟
اقولك انا بقا تعمل اي
انته هتروح السوق ايوا السوق تشتري فلفل رومي اخضر اللون تقريبا الكيلو منه ب ٥ او ١٠ جنيه يعني رخيص و في متناول المواطن المصري البسيط تمام
تعالي بقا اقولك شوية معلومات عن الفلفل الرومي دا الفلفل دا فيه حاجه اسمها Ascorbic acid (حمض الاسكوربيك) و الحض دا بيعمل علي تنشيط الدوره الدمويه طيب يا دكتور ما احنا بناكل طول النهار فلفل رومي متحمر و بنام و بنكون مش قادرين نصحى اي الفيده بقا….؟
تعال اقولك طريقة الاستخدام ازاي اولا: حمض الاسكوربيك (Ascorbic acid) الحمض دا بيتحلل بدرجة الحراره (يعني الفلفل لو تم تحميره علي النار ضاعت فايدة الحمض دا).
ثانيا: الفلفل دا تغسله ب مايه كويس و قبل ما تنام علي فراش النوم تأكل قرنين من فلفل الرومي ده و تنام علطول و لما تصحي الصبح شوف الفرق.
ثالثا: ودي نصيحه ل اي شخص ان جميع انواع الخضار مفيده بس احنا بنضيع الفايدة بتعريضها للحرارة

شاهد أيضاً

اختيار مجموعة محرم وشركاه M&P شريك الاجتماعات الحكومية خلال مؤتمر الطب الأفريقي الثالث Africa Health Exon 2024

أعلنت مجموعة محرم وشركاه للسياسات العامة والاتصال الاستراتيجي (M&P) أن الهيئة المصرية للشراء الموحد والإمداد …