أخبار مصر 24 مصنع الأخبار على مدار 24 ساعة
مقالات مشابهة
نفس المواطن هو ... هو 2 هو ليه المواطن اللى ليل نهار يتريق ويقلل من شان وجودة وترتيب التعليم فى مصر ….هو نفسه اللى لما بيسافر بره مصر …بيكون جرى وثق وختم شهادته اللى اتخرج بها من جامعات مصر واتباهى بها ….وبها بيلاقى احسن وظايف وشغل !!!!
هو ليه المواطن اللى ليل نهار ينقل اخبار مضللة ويروج شائعات عن بلده……هو نفسه المواطن اللى اول ما يسافر بره مصر….يخاف يكتب او ينشر حرف هو مش متاكد من مصدره ؟؟؟!!!
هو ليه المواطن يسيب ولاده يخربوا مرافق و كراسي مواصلات عامة ..او يحدفوا قطار بالطوب بدون ما يهتم يوجههم او يقول لهم كده غلط ….فى حين استحالة يسيبهم يعملوا كده بره مصر ؟!!!
يا ترى ايه السبب اللى يخلى مواطن فى بلده ما يلتزمش …وبراها ينضبط بالشكل ده ؟!!!!
حد حيقولى الفلوس بره اكتر وخايف على اكل عيشه ؟!!
فلوس ايه ؟؟ ما انت حتى وانت فى الغربة كنت بتشكى من صعوبة العيشة بره وانك ضيعت عمرك من غير ما تحوش قرش !!!
وبعدين مش عيب علينا نربط سلوكيات بفلوس !!!!
الخلاصة المحترم محترم فى اى مكان يروحه ……و هو اللى بيحترم القانون سواء جوه بلده وبراه …بدون فرق او تغيير…وحتى فى غياب الرقيب المسئول عن تطبيق القانون ده .
المحترم هو اللى يفرح لاى انجاز فى بلده اكتر بكنير من فرحته لاى بلد تانى .
المحترم والاصيل …هو اللى عارف كويس ….انه لا بديل عن الوطن …مهما طالت غربته عنه….
المحترم والاصيل …هو اللى الغربة تزيده حب وعشق واحترام للوطن ….وياما اكتر عشاقك يا مصر مهما طالت بينك وبينهم المسافات ….وفرقتكم بلاد ….
تحياتى وتقديري واحترامي
#دسميرالمصري
