أخبار عاجلة

صباح_مصري ،،،،،

       شريحة الخط الجديد  ،،،،  1 
 يا مصصصصصصصصصصصطفي وحشتني  اوووووي 
      أعجبتني  ،،،،، !!!  

من يومين كده اشتريت خط موبايل جديد .. و بمجرد ما حطيت الشريحة في التليفون لقيت إعداد كبيرة جدا من الرسائل القصيرة بتوصل ورا بعضها ..
ايوة ….. مجموعة رسايل كتير اوووي ..
استغربت من مين تكون كل الرسايل دي ، إذا كانت الشريحة لسه جديدة ، و مفيش حد لسة خد رقمي !! ..
لاحظت إن الرسايل جايه كلها من رقم معين ، وبتواريخ متقاربة ، و مضمونها واحد و هو :
إن فيه واحده ست بتترجى ” مصطفى ميكونش زعلان منها ” و ” إنه يرجع لها ” و ” إنه يرد عالموبيل ويبطل تطنيش ” ..

استنتجت طبعا إن الخط ده كان بتاع واحد اسمه …..
” مصطفى ” و إن اللي بتبعت الرسايل دي يمكن تكون خطيبته اللي سابها ،،،، أو أمه اللي طفشان منها وإنها – الرسايل يعني – وصلت دفعة واحدة أول ما الخط اشتغل من تاني ..
و عموماً – صاحبنا لسه بيحكي – قلت أعمل ديليت للرسايل دي كلها لأنها شاغلة مساحة عالفاضي ، وطبعاً ملهاش أي فايدة بالنسبة لي ..
لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع ..
رديت ..
و بمجرد ما قلت ” آلو ” لقيت واحده ست بتصرخ صراخ هستيري كأنها ما صدقت إنه فيه حد رد :
يا مصصطفففى تعاااالى بقى … يا مصصصطططففي واحشني قوي ..
نكمل بكرة …. دمتم بخير ،،،،
تحياتى وتقديري واحترامي ،،،،
دمتم بخير ،،،،
#دسميرالمصري

شاهد أيضاً

دوري أبطال إفريقيا| خالد بيبو: شخصية الأهلي وراء الفوز على ميدياما

كتب – محمد عادل سالم حرص خالد بيبو، مدير الكرة بالنادي الأهلي، على تقديم التهنئة …