صباح مصري ،،،
انت فاكر …. الهروب سهل ..؟
أوعي تفتكر ان ربنا هيحاسب بس الحرامي اللي سرق منك الموبايل في الشارع مثلا ،،
أو الحرامي اللي سرق منك فلوسك ،
لا ده هيحاسب الحرامي اللي كسر فرحتك ،
والحرامي اللي سرق حلمك ، ويحاسب الحرامي اللي وقع بينك وبين حبايبك ، والحرامي اللي اخد مكانك في الشغل وانت احق بيه ،
وهيحارب الحرامي اللي سرق الأمان منك ، والحرامي اللي خدعك علشان مصلحته ، والحرامي اللي استغل انك طيب وعفوي ،
وهيحاسب الحرامي اللي خدعك بمشاعر مزيفة ، والحرامي اللي جاب سيرتك بكلام محصلش ،
وهيحاسب الحرامي اللي قدامك بشكل….ومن وراك بشكل تاني خالص ،
الحرامية كتييير اوي في حياتنا ، لكن ربنا عادل وبيرد الحقوق لأصحابها مهما طال الزمن ،
فهو يمهل ….ولا يهمل ،
مفيش حرامي قدر يهرب بسرقته .
يهرب من الدنيا يلقي الحساب في الآخرة ، مش لازم يتحاسب في الحاجة اللي سرقها ….هيتحاسب في اي حاجة تانية ، لكن عمره مايهرب من سرقته ابدا ،
كفاية انه عارف انه ….حرامي ،
تحياتي ….
د سمير المصري

16 أغسطس، 2022 المقالات 659 زيارة