أخبار عاجلة

حكاية شهيد” بطل الواحات


العميد الشهيد البطل “امتياز كامل (قائد الشهداء) الابطال في عمليه الواحات” كان اول مره ليا كمجند اقابله في خدمتي العسكريه اثناء الماموريه وكان رغم هيبته ورتبته العاليه الا انه كان متواضع وبيضحك للمجندين والظباط كإنهم ولاده كان بشوش الوجه مبتسم طول الماموريه،، واحنا متوجهين للمأموريه لمواجهه اعداء الدين والوطن العميد امتياز رفض انه يركب مدرعه مضاده للرصاص وركب عربيه دفع رباعي وتقدم الماموريه بنفسه وكان سايق العربيه بنفسه ورفض ان حد من الظباط او المجندين يسوق ولما وصلنا للصحراء وتحديدا المكان اللي المفروض هنواجه فيه اعداء السلام مغتصبي الاوطان سافكين الدماء الارهاب الجبناء حسوا بوجودنا وخافوا من غضبنا وهربوا كان ممكن نرجع بيوتنا ومنكملش الماموريه الا ان العميد البطل قائد ماموريتنا اخد قرار وقال ان مش هسيبهم وهكمل وراهم
قائد الشهداء رفض انه يرجع بيته وفي عدو واقف بيتنفس علي تراب بلده”قائدنا الشهيد ضرب اجمل واروع مثال للجندي المصري الغيور علي ارض بلده”
العميد امتياز من اول المصابين في ارض المعركه في رجله وبكل قوه وايمان رفض انه يسيب سلاحه وكمل الحرب لحد ما استشهد مات وهوا بيواجه الارهاب من غير خوف او فزع مات وهوا عارف ان مستنيه مكان احسن من الدنيا بكتير
ابن العميد امتياز شاب صغير جالي وانا مصاب في المستشفي من سنتين شاب صغير صبور ومؤمن بقضاء ربنا وقالي انا هدخل كليه عسكريه وهكمل المشوار مكان والدي
العميد امتياز بطل وابنه بطل زيه واسرته ابطال وفخر لاي حد يعرفهم وفي ذكري استشهاد شهداء الواحات متنسوش ان في رجاله احرار وقفوا يدفعوا عن بلدكم ومكنش هدفهم ترقيه او منصب او فلوس كان كل هدفهم انكم تعيشوا في امان”

شاهد أيضاً

هاني الجميلي .. نموذج مضئ في محراب وزارة الداخلية

المقدم هاني الجميلي رئيس قسم التحركات بالإدارة العامة للجوزات والهجرة .. الرجل الذي جمع بين …